Loyiha yechimlari va qurilish sifatiga rioya qilishning texnik nazorati sohasidagi bilimlarini oshirishga qaratilgan seminar mashg‘ulotlari

Toshkent arxitektura-qurilish universiteti huzuridagi Kasbiy faoliyatni rivojlantirish markazi tomonidan qurilish sohasidagi mutaxassislarni qayta tayyorlash va malakasini oshirishga qaratilgan o‘quv kurslari amaldagi me’yoriy-huquqiy hujjatlar asosida yo‘lga qo‘yilgan.

Shu doirada, O‘zbekiston Respublikasi Davlat xavfsizlik xizmati Chegara qo‘shinlari shaxsiy tarkibi uchun qurilish sohasida bilim va amaliy ko‘nikmalarni oshirishga yo‘naltirilgan maxsus o‘quv dasturi ishlab chiqildi va amaliyotga joriy etildi.

Mazkur dastur doirasida “Loyiha yechimlari va qurilish sifatiga rioya qilishning texnik nazorati” mavzusida malaka oshirish kurslari 2025-yil 15-sentyabrdan 27-sentyabrgacha o‘tkazildi. Kurs davomida tinglovchilarga qurilish jarayonida sifat nazoratini tashkil etish, loyihaviy hujjatlarni tahlil qilish hamda me’yoriy talablar asosida texnik nazoratni olib borish bo‘yicha nazariy va amaliy mashg‘ulotlar o‘tkazildi.

Tinglovchilar yakuniy test sinovlarini muvaffaqiyatli topshirganlari uchun sertifikatlar bilan taqdirlandilar.